Close This

सवारी दुर्घटना गरी फरार भएको सवारी र चालक पक्राउ

कमलामाई खबर सम्वाददाता    प्रकाशित: २०७८-४-२७ गते   ५८ पटक हेरिएको

सर्लाहीको बरहथवा नगरपालिका –७ स्थित  हजरीया जाने बाटोमा साइकल यात्रीलाई ठक्कर दिएर फरार भएको  सवारी साधन र त्यसका चालक पक्राउ परेका छन् । आईतबार एक साईकल यात्रीलाई ठक्कर दिएर ग २ च २६६६ नं. को टोयटा गाडी र त्यसका चालक फरार भएका थिए ।
बसबरिया गाउँपालिका २ मानपुर बस्ने  सुकदेव साहलाई ठक्कर दिई फरार रहेको टोयटा गाडी र त्यसका चालक मलंगवा नगरपालिका २ बस्ने सत्येन्द्र साहलाई इलाका प्रहरी कार्यालय हरकठवाबाट खटीगएको प्रहरी गस्ती टोलीले पक्राउ गरेको हो ।
गाडीको ठक्करबाट गम्भीर घाइते भएका साइकल यात्रीको उपचारको क्रममा  सोही दिन मृत्यु भएको प्रहरीले जनाएको छ । निज चालक उपर सर्लाही जिल्ला अदालतबाट  ७ दिन म्याद थप भइ सवारी ज्यान मुद्दामा अनुसन्धान भइरहेको प्रहरीले जनाएको छ ।

© Copyright 2019 Kamalamai Khabar. All rights reserved.
Design & Developed Journey For Tech