Close This

लालबन्दीका व्यापारीद्धारा अनियमित विद्युत कटौतीको विरुद्ध प्राधिकरणको ध्यानाकर्षण

कमलामाई खबर सम्वाददाता    प्रकाशित: २०७८-२-२४ गते   ३४७ पटक हेरिएको

लालबन्दी वितरण केन्द्रका प्रमुख रायलाई ध्यानाकर्षण पत्र बुझाउँदै उद्योग वाणिज्य संघ लालबन्दीका अध्यक्ष जोशी

सर्लाहीको लालबन्दीका  व्यापारीहरुले सोमबार नेपाल विद्युत प्राधिकरण वितरण केन्द्र लालबन्दीको ध्यानाकर्षण गराएका छन् । केही दिनदेखि अत्याधिक गर्मी र चर्को घाम भइरहेको समयमा छिनछिनमै लाईन काट्दा जनजीवन कष्टकर भएको भन्दै लालबन्दीका व्यापारीहरुले प्राधिकरण कार्यालयमा पुगेर ध्यानाकर्षण गराएका हुन् । 
उनिहरुले अनियमित विद्युत कटौतिले व्यापार व्यवसाय र उद्योगहरु प्रभावित भएको भन्दै  वितरण केन्द्रको ध्यानाकर्षण गराएका हुन् । लालबन्दी वितरण केन्द्रका प्रमुख सुधिर कुमार रायलाई ज्ञापन पत्र बुझाउँदै लालबन्दीका व्यापारीहरुले विद्युत नियमित गर्न माग गरेका छन् ।
उद्योग वाणिज्य संघ लालबन्दीका अध्यक्ष कल्याण कुमार जोशीको नेतृत्वमा वितरण केन्द्र पुगेका व्यापारीहरुले अघोषित लोडसेडिङ हुँदा सर्वसाधारण आजित भएका जानकारी गराएका छन् । प्राधिकरणले भने हावाहुरी, गर्मीमा पंखा, फ्रीज, एसीजस्ता विद्युतीय उपकरण बढी चल्दा लोड थेग्न नसकेर र विद्युतका संरचना पुराना रहेका तर ग्राहकहरु बर्सेनि ठूलो संख्यामा बढिरहेकाले विद्युत नियमित गर्न नसकिएको बताउँदै पन्छीने गरेको  छ ।
अहिलेको पुराना विद्युत संरचनालाई लोड थेग्न मुस्किल परिरहेको र हालको जस्तो समस्या अब बर्खाभरी नै रहने सक्ने प्राविधिकहरुले बताएको छ । लालबन्दी नगरपालिका १ नवलपुरमा निर्माणधिन अवस्थामा रहेको सवस्टेशन बनेपछि भने अहिलेका जस्तो समस्या नहुने वितरण केन्द्र लालबन्दीका कार्यालय प्रमुख सुधिर कुमार रायले बताउनु भयो । 
उँहाका अनुसार सर्लाहीको विद्युतभार धेरै रहेका कारण उक्त विद्युतभार हटाउन रौतहटको चन्द्रनिगाहपुर र धनुषाको ढल्केबरमा रहेका सवस्टेशनबाट बिजुली प्रवाह गरेको छ । अहिलेको समस्या तत्काल समाधानका लागि ढल्केबरबाट ल्याइएको लाईन जिल्लाको पूर्वी भेगमा प्रवाह गरिने र चपुरबाट ल्याइएको ३३ केभी लाईन मलंगवासहित पश्चिमी बेल्टमा  प्रवाचह गरिने प्राधिकरणले जनाएको छ ।

© Copyright 2019 Kamalamai Khabar. All rights reserved.
Design & Developed Journey For Tech