Close This

वाईसीएल,नेपाल,सर्लाहीद्धारा गिटी,बालुवा उत्खनन र निकासीको बिरोध

कमलामाई खबर सम्वाददाता    प्रकाशित: २०७८-२-२६ गते   १५८ पटक हेरिएको

अबैध रुपमा प्राकृतिक जन्य गिटी बालुवा उत्खनन गरि भारत निकासी गर्न लागेको भन्दै त्यसको विरोधमा जनलहर उर्लिएको छ । 
नेकपा (माओबादी केन्द्र)को भातृ संगठन  योङ्ग कम्युनिष्ट लिग,नेपाल सर्लाहीले जिल्लाको लालबन्दी बजारमा अबैध रुपमा प्राकृतिक जन्य गिटी बालुवा उत्खनन गरि भारत निकासी गर्न लागेको भन्दै त्यसको विरोध  प्रदर्शन गरेको छ ।वाई सि एल  सर्लाहि का संयोजक समिर बराईलीको नेतृत्वमा लालबन्दी बजारमा प्लेकार्ड सहित बिरोध प्रदर्शन गरेको हो ।
गत जेष्ठ १५ गते ऋण घाटा कम गर्न भन्दै नेपाल सरकारले चुरे क्षेत्रबाट अबैध रुपमा गिटी बालुवा उत्खनन गरि भारत निकासी गर्ने र ऋण घाटा कम गर्ने भन्दै निकासीका लागि तयारी गरेको थियो । सरकारले उक्त सम्बोधन गरे लगतै नेकपा (माओबादि केन्द्र)लगायतका  विपक्षि दलहरुले उत्खनन र निकासी कार्यलाई तत्काल रोकि बजेट भाषण मा सम्बोधन गरिएको नीति खारेज गर्न माग गर्दै आएका छन् ।
पार्टीको सर्कुलर अनुसार वाईसिएल,नेपाल,सर्लाहीले छात्तीमा प्लेकार्ड टासेर पुर्व पश्चीम लोकमार्गमा बिरोध प्रदर्शन गरिएको प्रदेश दुईका संयोजक सन्देश श्रेष्ठले जानकारी दिनु भयो । चुरे उत्खनन कार्य बन्द गर,चुरे उत्खनन गनर्, मास्न पाईदैन  ,उत्खनन कार्य तत्काल बन्द गर ,चुरे भावर संरक्षण गर लगायत नारा सहितको प्लेकार्ड बोकेर वाईसिएल,नेपाल,सर्लाहीले विरोध प्रदर्शन गरेको हो ।

© Copyright 2019 Kamalamai Khabar. All rights reserved.
Design & Developed Journey For Tech