Close This

शहीद कोइराला परिवारको घर बनाउन बागमती नगरपालिकाका जनप्रतिनिधिले एक महिनाको पारिश्रमिक दिने

कमलामाई खबर सम्वाददाता    प्रकाशित: २०७८-४-८ गते   ६० पटक हेरिएको

सर्लाहीको बागमती नगरपालिकाका जनप्रतिनिधिले सर्लाही जिल्लाबाट जनयुद्धका क्रममा पहिलो शहीद भएका इन्द्र कोइरालाको परिवारको घर निर्माणका लागि एक महिनाको पारिश्रमिक सहयोग गर्ने भएका छन् ।
बागमती नगरपालिकाका जनप्रतिनिधि र नेकपा (माओवादी केन्द्र) जिल्ला कमिटी सदस्यहरुकोे सयुक्त बैठकले जनप्रतिनिधिहरुको साउन महिनाको पारिश्रमिक शहीद कोइराला परिवारको आवास निर्माण र क्यासर पीडित नेतृ माया बल उपचार कोषमा दिने सर्वसम्मत निर्णय गरेको बागमती नगरपालिकाकी उप प्रमुख लिला कुमारी मोक्तानले कमलामाई मिडिया प्रालीलाई जानकारी दिनु भयो ।
बागमती नगरपालिकाका सबै जनप्रतिनिधिले उपलब्ध गराउने साउन महिनाको पारिश्रमिक बापतको रकम रु ६ लाख २० हजार ७ सय ३० हुने र अन्य शुभेच्छुकबाट पनि रकम प्राप्त हुने क्रम जारिरहेको नेकपा(माओवादी केन्द्र) सर्लाहीले जनाएको छ ।
कोइराला जनयुद्धका क्रममा २०५५ साल कार्तिक १० गते शहीद भएका थिए । क्यासर पीडित नेतृ माया बल तत्कालिन माओवादीले जनयुद्ध सुरु गरेको एक वर्ष पछि २०५३ साल देखि राजनीतिमा सकृय रहनु भएको वाईसीएल प्रदेश कमिटी संयोजक शन्देस श्रेष्ठले जानकारी दिनु भयो । उहाँका अनुसार नेकपा (माओवादी केन्द्र ) सर्लाहीले यस अघिनै शहीद कोइराला परिवारको ४ कोठे पक्की घर निर्माणका लागि शिलान्यास गरिसकेको छ, त्यस्तै नेतृ बललाई औषधि उपचारको लागि मासिक रु ५० हजार दिने निणर्य गरिसकेको छ ।
शहीद कोइराला परिवारको भवन निर्माणको अनुमानीत लागत रु २१ लाख रहेको संयोजक श्रेष्ठले बताउनु भयो । नपुग रकम पार्टीका जिल्ला कमिटी सदस्य,केन्द्रिय सदस्य,जनप्रतिनिधिहरुबाट स्वैच्छिक चन्दा संकलन गरेर भवनको निर्माण सम्पन्न गरिने उहाँको भनाई छ । भवन निर्माणका लागि बागमती नगरपालिकाले वडा नं.—१२ बथानेमा जग्गा उपलब्ध गराएको संयोजक श्रेष्ठले कमलामाई मिडिया प्रालीलाई जानकारी दिनु भयो । भवनको निर्माण सम्पन्न भए पछि कोइरालाले सहादत प्राप्त गरेकै दिन कार्तिक १० गते उहाँकी श्रीमती लक्ष्मी कोइरालालाई भवन हस्तान्तरण गरिने नेकपा(माओवादी केन्द्र) सर्लाहीले जनाएको छ ।

© Copyright 2019 Kamalamai Khabar. All rights reserved.
Design & Developed Journey For Tech