सर्लाहीको लालबन्दी नगरपालिका १ स्थित पुर्व पश्चिम लाेकमार्गबाट प्रहरीले ठुलाे मात्रामा भन्सार छलिकाे सामान बरामद् गरेकाे छ ।
लालबन्दी नगरपालिका १ स्थित पुर्व पश्चिम लाेकमार्ग अन्तर्गत लखनदेही पुल नजिकबाट विशेष सुराकीको आधारमा जिल्ला प्रहरी कार्यालय सर्लाहीको टाेलीले ठुलाे मात्रामा भन्सार छलिकाे सामान बरामद् गरेकाे जिल्ला प्रहरी कार्यालय सर्लाहीले जनाएको छ ।
प्रहरीले धनुषाको जटही नाकाबाट काठमाडौंका लागि छुटेकाे ना ८ ख १८०८ नम्बरकाे यात्रीबसबाट १२ टिन घ्युउ,२ बाेरा पाउडर दूध र ३० किलाे सुर्ती बरामद् गरेकाे जिल्ला प्रहरी कार्यालय सर्लाहीका प्रहरी प्रमुख प्रहरी उपरीक्षक प्रविण पाेख्रेलले जानकारी दिए । उनका अनुसार १५ किलाेका दरले १२ कार्टुन घ्यु,२५ किलाेका दरले २ बाेरा पाउडर दुध र ३० किलाे सुर्ती गरि कुल करिब रु २ लाख बराबरकाे अवैध सामान बरामद् भएको हाे ।
१५ किलाेका दरले १२ कार्टुन घ्यु १ सय ८० किलाे घ्युकाे रु १ लाख ५३ हजार ६ सय ,५० किलाे पाउडर दुधकाे रु ३६ हजार र ३० किलाे सुर्ति गरि करिब रु २ लाख बराबरकाे सामान बरामद् भएको प्रहरीले जनाएको छ ।
