सरकारले बढाएको रासायनिक मलको मुल्यबृद्धि फिर्ता लिन महासंघ सर्लाहीको ज्ञापन–पत्र

1k Shares

शंखर पहाडी(गौरब)
सरकारले रासायनिक मलमा गरेको मूल्यवृद्धि तत्काल फिर्ता लिन माग गर्दै नेपाल किसान महासंघ सर्लाहीले प्रमुख जिल्ला अधिकारी मार्फत सरकारलाई ज्ञापन–पत्र बुझाएको छ ।
महासंघका सर्लाही जिल्ला अध्यक्ष विष्णुमणि घिमिरेको नेतृत्वमा पुगेका किसान अगुवाहरुले प्रमुख जिल्ला अधिकारी इन्द्रदेव यादवमार्फत नेपाल सरकार कृषि मन्त्रालयलाई ज्ञापन–पत्र बुझाएका हुन ।
सरकारले केही दिनअघि मात्रै मलमा दिँइदै आएको अनुदान कटाए पछि रासायनिक मलको मुल्यबृद्धि भउको थियो । सरकारले मलको अनुदान कटाई बीउ,बिजनमा बढाएको मूल्यवृद्धि प्रति नेपाल किसान महासंघ सर्लाहीको गम्भीर ध्यानाकर्षण भएको ज्ञापन–पत्रमा उल्लेख गरिएको छ । सरकारको यो निर्णयले निरीह किसानहरुको थप ढाड सेक्ने काम भएको महासंघ सर्लाहीले जनाएको छ ।
लाखौँ किसानहरुसँग जोडिएको मागलाई सरकारले यथाशिघ्र सम्वोधन नगरे सम्पूर्ण किसानहरुलाई साथमा लिएर सडक आन्दोलनमा उत्रने महासंघ सर्लाहीको ज्ञापन–पत्रमा उल्लेख छ ।

सम्बन्धित समाचार