दुर्गा कुमारी अधिकारी
जिल्ला प्रशासन कार्यालय सर्लाहीले वैदेशिक रोजगारीमा ठगी गरेको रकम फिर्ता गराएको छ । जिल्लाको चक्रघट्टा गाउँपालिका ३ का सुर्या कुमार साहसंग इश्वरपुर नगरपालिका ३ का विरेन्द्र साहले वैदेशिक रोजगारीमा पठाउने भन्दै ठगी गरेको रु दुई लाख रकम प्रमुख जिल्ला अधिकारी इन्द्रदेव याददको पहलमा फिर्ता गराइएको सहायक प्रमुख जिल्ला अधिकारी होमनाथ घिमिरेले जानकारी दिए ।
उनका अनुसार चक्रघट्टा गाउँपालिका ३ का सुर्याकी आमा रामरिखी देवीले जिल्ला प्रशासन कार्यालय सर्लाहीमा निवेदन दिएपछि दिएको प्रमुख जिल्ला अधिकारी यादवको पहलमा अनुसन्धान गरी ठगी गरेको रकम फिर्ता गराएका हुन ।
वैदेशिक रोगजारीमा भएका ठगी घटना सम्बन्धमा प्रमुख जिल्ला अधिकारी समक्ष उजुरी दिने कानूनी व्यवस्था रहेको र सोही अनुसार पीडित पक्षले उजुरी दिएपछि इश्वरपुर नगरपालिका ३ का विरेन्द्रमाथी छानविन गरी ठगी गरेको रकम फिर्त गराईएको प्रमुख जिल्ला अधिकारी यादवले बताए ।
