जुवातास खेलिरहेको अवस्थामा काठमाडौंबाट १३ जना पक्राउ

काठमाडौं । काठमाडौंको कागेश्वरी मनोहरा नगरपालिका ६ मुलपानीबाट जुवातास खेलि रहेका १३ जनालाई प्रहरीले पक्राउ गरेको छ । कागेश्वरी मनोहरा नगरपालिका ६ मुलपानीबाट ओखलढुङगाको लिखु गाउँपालिका १ घर भई मुलपानी बस्ने अन्दाजी वर्ष २५ का शिर बहादुर कार्कीको होटलमा जुवातास खेलिरहेको अवस्थामा होटल सञ्चालक कार्की समेत १३ जनालाई बुधबार राती पक्राउ गरिएको प्रहरी बृत बौद्धले जनाएको छ । 
विशेष सूचनाको आधारमा पुगे प्रहरी वृत्त बौद्धको प्रहरी टोलीले उनीहरूलाई नगद रु एक लाख र २ बुक ताससहित पक्राउ गरेको जनाएको छ । तर प्रहरीले होटल सञ्चालक कार्कीको मात्र विवरण सार्वजनिक गरेको छ । पक्राउ परेका १३ जनाको सम्बन्धमा थप अनुसन्धान सुरु भएको प्रहरीले जनाएको छ ।