बरहथवामा म्याजिक र माेटरसाईकल ठाेक्किदा एक जनाकाे मृत्यु  

सर्लाहीको बरहथवा नगरपालिका ९ स्थित नयाँ राेड बरहथवा सडक खण्डमा सवारी दुर्घटना हुँदा एक जनाकाे ज्यान गएकाे छ ।नयाँ राेड बरहथवा सडक खण्डमा शनिबार साँझ  ना १ ज २८४९ नम्बरको म्याजिक र ना २० प ५१७९ नम्बरकाे माेटरसाईकल एक आपसमा ठाेक्किदा एक जनाकाे ज्यान गएकाे  जिल्ला प्रहरी कार्यालय सर्लाहीका प्रहरी प्रमुख प्रहरी उपरीक्षक नरेशरमज सुवेदीले जानकारी दिए ।
उनका अनुसार  नयाँरोडबाट बरहथवातिर जाँदै गरेको म्याजिक र विपरित दिशाबाट आईरहेको ना २० प ५१७९ नम्बरको मोटरसाइकल बरहथवा नगरपालिका ९ मा एक आपसमा ठोक्किदा मोटरसाइकलमा सवार रहेका रौतहटको चन्द्रपुर नगरपालिका १ का अन्दाजी ३७ बर्षिय सुमन सहनी र सिरहाको मिर्चैया नगरपालिका १ कि अन्दाजी २७ वर्षीया चन्देश्वरी महरा गम्भीर घाइते भएका थिए जस मध्य सहनीको हरिवन स्थित  नमूना अस्पताल हरिवनमा उपचारकाे क्रममा मृत्यु भएको हाे ।

गम्भीर घाइते महरालाई अहिले थप उपचारका लागि वीरगन्ज पठाईएको प्रहरीले जनाएको छ। भने म्याजिकका चालक,म्याजिक र मोटरसाइकल इलाका प्रहरी कार्यालय बरहथवाको नियन्त्रणमा राखिएको छ।