लालबन्दी ७ का खड्का लालबन्दी ८ मा मृत फेला

सर्लाहीको लालबन्दी नगरपालिका ७ का खिलराज खड्का लालबन्दी नगरपालिका ८ काे जंगलमा मृत फेला परेका छन् ।लालबन्दी नगरपालिका ७ निवासी अन्दाजी वर्ष ६० का खड्का शुक्रबार बिहान साईकलमा घाँस लिन लालबन्दी ८ काे जंगलमा घाँस काटी साईकलमा घाँस लिएर फर्किदै गर्दा बाटैमा लडेर मृत अवस्थामा शनिबार बिहान फेला परेका प्रहरीले जनाएको छ ।

शुक्रबार बिहादेखि वेपत्ता भएका खड्काकाे विषयमा शुक्रबार साँझ ईलाका प्रहरी कार्यालय लालबन्दीलाई जानकारी गराएपछि प्रहरी र स्थानीयले खाेजतलास गर्ने क्रममा शनिवार बिहान फेला परेका प्रहरीले जनाएको छ ।ईलाका प्रहरी कार्यालय लालबन्दीका प्रहरी प्रमुख एवम प्रहरी निरिक्षक सुजन पाठक सहित विशेष टाेली घटनास्थल तर्फ गएकाे छ । भने घटनाकाे सम्बन्धमा अनुससुरु भई सकेकाे प्रहरीले जनाएको छ ।