Close This

एकताबद्ध भएर संघर्ष गर्नु पर्ने  अध्यक्ष दाहालको भनाई

कमलामाई खबर सम्वाददाता    प्रकाशित: २०७७-९-२३ गते   ३३० पटक हेरिएको

 नेपाल कम्युनिष्ट पार्टी (नेकपा) सिन्धुली अध्यक्ष तथा बागमती प्रदेशसभा सदस्य राजन दाहाल(लेखनाथ)ले केपी शर्मा ओली सरकार असफल भएको दावी गर्नु भएको छ । नेकपा असफल भएको होईन भन्ने धारणा व्यक्त गर्दै उहाँले  नेकपा नै असफल भएको होकि भन्ने आशंका नपाल्न आग्रह गर्नु भयो ।
नेपाली जनताले केपी शर्मा ओलीलाई नभएर पार्टी घोषणा पत्रलाई विश्वास गरेका अध्यक्ष दाहालको भनाई छ । घोषणापत्र भित्र सरकारले कार्यसम्ंपादन गर्ने ५ वर्षको कार्यतालिकामा प्रष्ट रहेको छ । एक पटक सबैले घोषणा पत्र हेर्न आवश्यक रहेको अध्यक्ष दाहालले बताउनु भयो ।
उहाँका अनुसार घोषणापत्रलाई एक पटक पनि पल्टाएर नहेरी पुरानै दलाल नोकरशाही व्यावस्थाको भद्दा निरन्तरता नै ओली सरकारको असफलता हो । ‘माक्सवाद लेनिनवाद प्रतिको अलगाव हो र पार्टीको घोषणापत्र प्रतिको अलगाव हो । त्यसकारण प्राप्त उपलव्धिको रक्षार्थ सिंगो देश एकताबद्ध भएर संघर्ष गर्नुको विकल्प छैन ।’अध्यक्ष दाहालले बताउनु भयो ।
ओलीको प्रतिनीधीसभा विघटनको प्रतिगामी कदमले के पुष्टि गरेको छ भने उनी संघीय लोकतान्त्रिक गणतन्त्र सिध्याउन लागि परेको देखिएको दाहालको भनाई छ । उहाँले नेकपा असफल नभइ केपी ओलीकोसरकार असफल भएको कमलामाई खबरसंग कुरा गर्दै अध्यक्ष दाहालले यस्तो बताउनु भएको हो । सोमप्रसाद न्यौपाने

© Copyright 2019 Kamalamai Khabar. All rights reserved.
Design & Developed Journey For Tech