Close This

सर्लाहीको बाँकेबाट ४० किलो गाँजा सहित तीन जना पक्राउ

कमलामाई खबर सम्वाददाता    प्रकाशित: २०७८-३-२४ गते   ९१ पटक हेरिएको

 सर्लाहीको इश्वरपुर बयलवासमा रहेको ईलाका प्रहरी कार्यालय केशरगञ्ज,बयलवासले  ४० किलो गाँजासहित तीन जनालाई पक्राउ गरेको छ । ईलाका प्रहरी कार्यालय केशरगन्ज, बयलवासका कार्यालय प्रमुख प्रहरी निरीक्षक जनकराज ढुंगानाको नेतृत्वमा खटिएको प्रहरी टोलीले ईश्वरपुर नगरपालिका १२, बाँके जंगलस्थित पूर्व–पश्चिम लोकमार्गबाट गाँजासहित त्यसको ओसारपसारमा संलग्न व्यक्तिहरुलाई पक्राउ गरेको हो ।
पक्राउ पर्नेहरुमा लालबन्दी नगरपालिका–११, का २४ वर्षीय संगी लामा, लालबन्दी नगरपालिका–८, नेवार टोलका २७ वर्षीय दिलिप कुमार लोप्चन र लालबन्दी नगरपालिका–११, का २१ वर्षीय शंखलाल बल रहेका ईलाका प्रहरी कार्यालय केशरगन्ज, बयलवासका कार्यालय प्रमुख प्रहरी निरीक्षक जनकराज ढुंगानाले जानकारी दिनुभयो । 
वुधवार ना ६३ प ६७७ नम्वरको मोटरसाइकलमा पूर्वतर्फ गई रहेको अवस्थामा गाँजा  सहित उनिहरुलाई नियन्त्रणमा लिएको प्रहरीले जनाएको छ । गाँजासहित पक्राउ परेका उनिहरुलाई अहिले ईलाका प्रहरी कार्यालय केशरगन्ज, बयलवासको हिरासतमा राखी थप अनुसन्धान भइरहेको प्रहरीले जनाएको छ ।

© Copyright 2019 Kamalamai Khabar. All rights reserved.
Design & Developed Journey For Tech