Close This

लालबन्दी साझेदारी वन समिति अवैध ढंगले गठन गरिएको भन्दै डिभिजन वन कार्यालय घेराउ,कोठे समिति खारेजीको माग

कमलामाई खबर सम्वाददाता    प्रकाशित: २०७८-४-१९ गते   ४७ पटक हेरिएको

सर्लाहीको लालबन्दी साझेदारीको वन व्यवस्थापन समुह गठन अवैध भएको भन्दै लालबन्दीका युवाहरुले डिभिजन वन कार्यालय सर्लाही घेराउ गरेका छन् ।  कविलासी नगरपालिका ७ मा साउन १३ गते एक कार्यक्रमको आयोजना गरी अजय यादवको अध्यक्षतामा साझेदारी वन व्यवस्थापन समुह गठन गरिएको थियो ।
वनको नजिक रहेका र यसको प्रत्यक्ष,अप्रत्यक्ष मारमा परेका उपभोक्तालाई वेवास्था गरि साझेदारी वन व्यवस्थापन समुह गठन गरिएको भन्दै लालबन्दी नगरपालिका ६ का वडाध्यक्ष उज्वल कुमार कार्कीको नेतृत्वमा युवाहरुले डिभिजन वन कार्यलय सर्लाही घेराउ गर्दै डिभिजन वन अधिकृत माधव प्रसाद देवलाई ज्ञापन पत्र बुझाएको युवा अगुवा शिवहरी गौतमले कमलामाई मिडिया प्रालिलाई जानकारी दिनुभयो । उहाँका अनुसार साउन १३ गते गठन गरिएको वन व्यवस्थापन समिति अपारदर्शी र अवैध भएको भन्दै त्यसको खारेजीको माग गर्दै डिभिजन वन अधिकृत देवलाई ज्ञापन पत्र बुझाएको गौतमले बताउनु भयो ।
लालबन्दी नगरवासीको तर्फबाट दुई सुत्रिय माग राख्दै,लालबन्दी साझेदारी वनको नवगठित कार्यसमिति विघटन गर्न,साझेदारी वनको विधि र प्रकृया अनुसार वन क्षेत्र वरपरका उपभोक्तालाई समेत समेट्ने गरी नया कार्यसमिति गठन गर्न ज्ञापनपत्र मार्फत माग गरिएको छ ।
कोभिड महामारीको समयमा विधि र प्रकृयालाई लत्याएर वनको लागि ज्यानै दिने समुदायलाई पाखा लगाई सुटुुक्क कोठे कार्यसमिति गठन गर्नु लज्जास्पद र हास्यास्पद विषय भएको ज्ञापन पत्रमा उल्लेख गरिएको छ । यस्ता गतिविधिले वन संरक्षणमा आम उपभेक्ताको अपनत्व र पहुचमा ह्रास आउने भएकाले ७ दिन भित्र उक्त निर्णय सच्याउन ज्ञापन पत्र मार्फत माग गरिएको छ । आफुहरुका मागलाई वेवास्ता गरिए चरणवद्ध कडा संघर्षमा उत्रने र परिणाम गम्भिर हुने युवाहरुले चेतावनी दिएका छन् ।

© Copyright 2019 Kamalamai Khabar. All rights reserved.
Design & Developed Journey For Tech