Close This

अफगानिस्तानबाट नेपाल फिर्ता हुन चाहने जिल्लाबासीलाई सम्पर्कमा आउन जिप्रका सर्लाहीको आग्रह

कमलामाई खबर सम्वाददाता    प्रकाशित: २०७८-५-५ गते   २४ पटक हेरिएको

जिल्ला प्रशासन कार्यालय सर्लाहीले सर्लाही घर भई अफगानिस्तान पुगेका नागरिकलाई नेपाल फिर्ता हुन चाहेमा सम्पर्कमा आउन आग्रह गरेको छ । नेपाली नागरिकको सुरक्षित उद्धार गर्ने नेपाल सरकारको निर्णयानुसार सर्लाही घर भई अफगानिस्तान पुगेका नागरिकलाई नेपाल फिर्ता हुन चाहेमा सम्पर्कमा आउन जिल्ला प्रशासन कार्यालय सर्लाहीले आग्रह गरेको हो ।
कामको सिलसिलामा अफगानिस्तान पुगेका जिल्लाका नागरिकलाई सम्पर्कमा आउन आग्रह गरिएको सहायक प्रमुख जिल्ला अधिकारी भूमिश्वर पोखरेलले बताउनु भयो । सहायक प्रमुख जिल्ला अधिकारी  पोखरेलद्धारा जारी गरिएको सूचनामा ‘विभिन्न माध्यम प्रयोग गरी अफगानिस्तानमा रहेका नेपाली नागरिकहरुको सुरक्षित उद्धार गर्न विवरण संकलन कार्य भइरहेकाले आफ्नो परिवारको कोही सदस्य अफगानिस्तानमा भए जिल्ला प्रशासन कार्यालय सर्लाहीमा सम्पर्क गरी विवरण टिपाउन जिल्लावासीमा अनुरोध गरिएको छ ।
नेपाल सरकारले नेपाली नागरिकको सुरक्षित उद्धार गर्ने निर्णय गरे अनुसारहरेक जिल्लाहरुले सुचना जारी गरि सम्पर्कमा आउन आग्रह गरी रहेका छन् । सोही क्रममा जिल्ला प्रशासन कार्यालय सर्लाहीले पनि सम्पर्कमा आउन आग्रह गरेको हो ।

© Copyright 2019 Kamalamai Khabar. All rights reserved.
Design & Developed Journey For Tech