हरिपुर्वाको केश्वर गरिब जनता मा.विमा झडपमा दुई विद्यार्थी घाईते,आज छलफल जारी

3.8k Shares

सर्लाहीको हरिपूर्वा नगरपालिका–५, मा रहेको केश्वर गरिब जनता मा.विमा वुधवार विद्यार्थीहरुबीच झडप हुँदा दुई जना घाईते भएका छन् । शैक्षिक भ्रमणमा जाने÷नजाने भन्ने विषयमा विवाद भएपछि भएको झडपमा २ जना विद्यार्थीहरु घाईते भएका विद्यालयका निमित्त प्र.अ. गंगाराम रायले बताउनु भयो । विद्यार्थीहरु उशृङखल भएका र पटक पटक विवाद भएको र आफुहरुले छुट्याउने प्रयास गर्दा पनि नसकेको प्र.अ. रायले लाचार जवाफ दिनु भएको छ ।
कक्षा १० का विद्यार्थीको दुई समूहबीच वुधवार बिहान करिब ११ बजे झडप भएको हो । झडपमा १८ वर्षका सुनिल कुमार राय र वर्ष १८ कै अर्जुन माझी विद्यार्थी घाईते भएका प्रहरीले जनाएको छ । विद्यार्थीबीच पुनः झडप हुन नदिन विद्यालय क्षेत्रमा नेपाल प्रहरी र सशस्त्र प्रहरी तैनाथ गरिएको विद्यालय व्यावस्थापन समितिका अध्यक्ष मनोज रायले बताउनु भयो । 
यता, विद्यार्थीं विद्यार्थी विचको झडपको कारण के हो ? भनि हरिपुर्वा नगरपालिकाको शिक्षा शाखा प्रमुख जनक काफ्लेलाई सोध्दा उहाँले यो हरिपुर्वा हो यहाँ यस्तो भईरहन्छ भन्ने गैर जिम्मेवारपुर्ण जवाफ दिनु भयो । विद्यालयबाट बर्सेनि कक्षा १० का विद्यार्थीहरुलाई शैक्षिक भ्रमणमा लाने गरिएको थियो । यो वर्ष पनि यसबारेमा व्यवस्थापन समितिको बैठक राखेर निर्णय गर्ने तयारी हुँदाहुँदै विद्यार्थीहरुले आपसमा विवाद गरेर तनाव सिर्जना गरेका निमित्त प्रअ रायले बताउनु भयो ।
अहिले स्थानिय प्रहरी प्रशासन,जनप्रतिनिधिहरु,विद्यालय प्रशासन,विद्यालय व्यावस्थापन समिति लगायत सरोकारवाला निकाय बसेर छलफल जारी रहेको विद्यालय स्रोतले जनाएको छ ।

सम्बन्धित समाचार