Close This

एन्फालाईफिफाको पाँच लाख डलर आर्थिक सहयोग

पत्र पत्रिका    प्रकाशित: २०७७-१-१४ गते   ३५५ पटक हेरिएको

 विश्व फुटबलको सर्वोच्च निकाय फिफाले अखिल नेपाल फुटबल संघ (एन्फा) लाई ५ लाख अमेरिकी डलर सहयोग दिने भएको छ ।विश्वभर महामारीको रुपमा फैलिएको कोरोना भाइरसबाट पर्न गएको आर्थिक संकटलाई सहायता प्रदान गर्ने उद्देश्यले फिफाले नेपाललाई ५ लाख अमेरिकी डलर दिने भएको हो ।

फिफाले कोरोनाविरुद्ध लड्न पहिलो चरणमा नेपालसहित आफ्ना २ सय ११ सदस्य राष्ट्रलाई आर्थिक सहयोग घोषणा गरेको छ ।फिफाले राहत कोषबाट आफ्ना सम्पूर्ण सदस्य राष्ट्रलाई कुल १ सय ५० विलियन अमेरिकी डलर प्रदान गर्नेछ ।फिफा अध्यक्ष जियानी इन्फान्टिनोले पहिलो चरणमा अति प्रभावित राष्ट्रलाई आर्थिक सहयोग प्रदान गरिने बताएका छन् ।

कोरोनाको कारण आफ्ना सदस्य राष्ट्रमा घरेलु लिग र फुटबल गतिविधि ठप्प हुँदा ठूलो आर्थिक घाटा व्यहोर्नुपरेको कारण आर्थिक सहायता प्रदान गर्न लागिएको फिफाले प्रष्ट पारेको छ ।फिफाबाट आएको आर्थिक सहयोग सम्बन्धित संघले आफ्ना कर्मचारीको तलबमा खर्च गर्नु पर्नेछ ।

© Copyright 2019 Kamalamai Khabar. All rights reserved.
Design & Developed Journey For Tech