मधेश प्रदेशमा छोरी बिमा कार्यक्रम केही दिनमै पुन शुरु हुँदै

कोरोना माहामारीको कारण केही समयदेखि रोकिएको छोरी बिमा कार्यक्रम अब केही दिनबाटै शुरु हुने मधेश प्रदेशका मुख्यमन्त्री लालबाबु राउतले बताउनु भयो ।
आज(सोमबार) मुख्यमन्त्री राउतले प्रदेशमा जन्मिने छोरीको बिमा कार्यक्रम आफूहरुले ल्याए पनि कर्मचारीको असहयोगका कारण निरन्तरता दिन नसकिएको बताउनु भयो । कोरोना माहामारीका कारण करिब ३ बर्षदेखि बन्द रहेको बिमा कायृक्रम चाँडै नै शहुरु हुने उहाँले बताउनु भयो ।
उहाँले कर्मचारीको असहयोगका वावजुद शुरुमा करिब ९ हजार छोरीको बिमा गर्न प्रदेश सरकार सफल भएको भन्दै कोरोनाका कारण करिब ३ वर्षदेखि बन्द रहेको बिमा कार्यक्रम  केही दिनभित्रै पुनःसञ्चालनमा ल्याइने बताउनु भयो ।
प्रदेश सरकारले कक्षा ११ र १२ मा पढ्ने मधेश प्रदेशका आठै जिल्लाका ८ हजार छोरीलाई ल्यापटप वितरण गर्ने कार्यक्रम पनि रहेको मुख्य मन्त्री राउतले बताउनु भयो । उहाँका अनुसार मुख्यमन्त्री राउतले एक जिल्लाका १ हजार छोरीलाई ल्यापटप बितरण गरिने छ । साथै मधेश प्रदेशका पत्रकारहरुले सरकारले गरेका राम्रा काम पनि लेख्नु पर्ने बताउनु भयो ।