संकटासंग नवजन जागृति ३ -० गाेल अन्तरले पराजित

1k Shares

सर्लाहीको बागमती नगरपालिका ११ मा जारी साताैं राजर्षि जनक कप फुटबल प्रतियाेगिता अन्तर्गत मंगलबारकाे खेलमा संकटा क्लब काठमाडौले नवजन जागृति युवा क्लब सिमरालाई तेस्राे क्वाटरफाईनल खेलमा ३-० गाेलअन्तरले पराजित गरेकाे छ । 
बागमती नगरपालिका ११ स्थित स्व.सन्तोष श्रेष्ठ स्मृति खेल मैदानमा जारी प्रतियोगितामा संकटा युवा क्लब काठमाडौंले नवजन जागृति युवा क्लब सिमरालाई तेस्राे क्वाटरफाईनल खेलमा ३ -० गाेलअन्तरले पराजित गर्दै सेमिफाइनलकाे यात्रातय गरेकाे  आयाेजक बागमती युवा क्लबका महासचिव एवम बागमती नगर खेलकुद विकास समितिका संयाेजक सागर मैनालीले जानकारी दिए । उनका  अनुसार बुधबार  हुने अन्तिम क्वाटरफाइनलमा आयाेजक बागमती युवा क्लब सर्लाही  र मछिन्द्र फुटबल क्लब काठमाडौं  विच खेल हुने छ ।
मधेश प्रदेशकै सर्वाधिक पुरस्कार धनराशीको साताैँ राजर्षि जनक कप फुटबल प्रतियोगितामा आयाेजक बागमती युवा क्लब सहित १२ वटा टिमकाे सहभागिता रहेकाे बागमती युवा क्लबका सचिव कुमार प्रधानले जानकारी दिए । उनका अनुसार एपीएफ क्लब, युनाईटेड किण्डम फूटबल क्लब दार्जिलिङ, साविक विजेता पिप्ले युवा क्लब हेटाैंडा,नेपाल पुलिस क्लब, धरान फूटबल क्लब धरान,चर्च व्याईज युनाइटेड लिलितपुर र नवजन जागृति युवा क्लव सिमरा प्रतियाेगिताबाट बाहिरिसकेका छन् ।
प्रतियोगिताको बिजेताले रु १० लाख र उपबिजेताले रु पाँच लाख र नगद पुरस्कार प्राप्त गर्ने छ । बागमती युवा क्लब र बागमती नगरपालिकाकाे संयुक्त आयाेजना हरेक वर्ष सञ्चालन भई रहेकाे साताैँ राजर्षि जनक कप फुटबल प्रतियोगिता माघ २५ गतेबाट सुरु भएको र फागुन ७ गते सम्म सञ्चालन हुने छ  ।

सम्बन्धित समाचार