ईश्वरपुर ६ को महेन्द्र बजार व्यावस्थापन समिति चयनको भेला आयोजना

गणेश खड्का
सर्लाहीको पुरानो बजार महेन्द्र बजारको व्यावस्थापन समिति गठनका लागि भेला आयोजना गरिएको छ । ईश्वरपुर नगरपालिका ६ स्थित रहेको महेन्द्र बजार व्यावस्थापन समिति गठन गर्न व्यापारीहरुको भेला आयोजना गरिएको स्थानीय सुरेश साफीले जानकारी दिए ।
उनका अनुसार महेन्द्र बजारमा  पुराना व्यापारी श्याम थापाको अध्यक्ष एवम ईश्वरपुर नगरपालिकाका नगर प्रमुख मनोज कुमार आचार्यको प्रमुख आतिथ्यतामा  समिति चयनका लागि भेला आयोजना गरिएको हो । 
विगत लामो समयदेखि बजार व्यावस्थापन समिति नहुँदा बजारको दुर्गती थियो भने नयाँ समिित चयन भएपछि बजार थप व्यावस्थीत हुँदै जाने अपेक्षा गरिएको नगर प्रमुख आचार्यले बताए ।
कार्यक्रममा ईश्वरपुर नगरपालिका ६ का वडा अध्यक्ष मो.रमहद अन्सारी,उद्योग बाणिज्य संघ ईश्वरपुरका अध्यक्ष मनोज कुमार साह,गल्ला व्यापार संघका अध्यक्ष फकीरा साह र महेन्द्र बजारका व्यापारीहरुको विशेष उपस्थितिमा बजार व्यावस्थापन समिति चयनका लागि भेला आयोजना गरिएको हो । भेलाले महेन्द्र बजार व्यावस्थापन समिति चयन गर्ने छ ।