प्रतिवन्धित लागूऔषधसहित ललितपुरबाट एक महिला पक्राउ

गणेश खड्का
ललितपुरको ललितपुर महानगरपालिका १५ बोधिग्रामबाट प्रतिवन्धित लागूऔषध गाँजा र स्रोत नखुलेको रकम सहित एकजनालाई प्रहरीले पक्राउ गरेको छ । ललितपुर महानगरपालिका १५ बोधिग्रामबाट प्रतिवन्धित लागूऔषध गाँजा अन्दाजी ५ किलो ७ सय ग्राम,गाँजाको फुलपातसहित करिब ९ सय ग्राम,पोल्याण्डको धुलो १ किलो ८ सय ग्राम, चरेस जस्तो देखिने पदार्थ १ सय ८० ग्राम र स्रोत नखुलेको नगद रु २२ हजार ५ सय ९५ सहित एक जनालाई पक्राउ गरेको ललितपुर प्रहरीले जनाएको छ ।
प्रहरीका अनुसार पक्राउ पर्नेमा गोरखा थालाजुङ गाउँपालिका घर भई काठमाडौं काडाघारी बस्ने अन्दाजी ४० वर्षीया शान्ती राना रहेकी छन् । प्रहरी वृत्त सातदोबाटोबाट खटिएको प्रहरीले राना मगरलाई उक्त प्रतिवन्धित लागूऔषधसहित पक्राउ गरेको हो । पक्राउ गरिएको लागु औषध  र राना मगरको विषयमा आवश्यक अनुसन्धान सुरु गरिएको ललितपुर प्रहरीले जनाएको छ ।