बागमती ३ बाट १२ किलो भन्दा बढी गाँजा सहित २ जना पक्राउ

सर्लाहीको बागमती नगरपालिका ३ स्थित जिरायतबाट प्रतिवन्धित लागु औषध गाँजा सहित २ जनालाई प्रहरीले नियन्त्रणमा लिएको छ । बागमती नगरपालिका ३ स्थित जिरायतमा प्रतिवन्धित लागु औषध गाँजा विक्रि वितरण भई रहेको विशेष सूचनाको आधारमा पुगेको ईलाका प्रहरी कार्यालय हरिवनको टोलीले अन्दाजी १२ किलो ५ सय ४२ ग्राम प्रतिवन्धित लागु औषध गाँजा सहित २ जनालाई नियन्त्रणमा लिएको जिल्ला प्रहरी कार्यालय सर्लाहीका प्रहरी प्रमुख प्रहरी उपरिक्षक नरेशराज सुवेदीले जानकारी दिए ।
उनका अनुसार अन्दाजी १२ किलो ५ सय ४२ ग्राम प्रतिवन्धित लागु औषध गाँजा सहित बागमती नगरपालिका ३ का अन्दाजी वर्ष ५८ का मिन बहादुर राई र उनकी श्रीमती अन्दाजी वर्ष ५५ की सोम माया थिङलाई प्रहरीले नियन्त्रणमा लिएको हो ।उनीहरुको साथबाट रु १२ हजार ९ सय नगद समेत बरामद् भएको प्रहरीले जनाएको छ । नियन्त्रणमा लिएको प्रतिवन्धित लागु औषध गाँजा सहित २ जनालाई आवश्यक अनुसन्धानका लागि ईलाका प्रहरी कार्यालय हरिवनमा राखिएको प्रहरीले जनाएको छ ।