सर्लाहीको धनकौल गाउँपालिकाका अध्यक्ष राम आश्रय साहसंग तीन वटा नागरिकता रहेको रहस्य बाहिरिएकोे छ।गाउँपालिका अध्यक्ष साहले विभिन्न मितिमा पटक पटक गरि तीन वटा नागरिकता लिएका रहस्य बाहिरिएको हो । गाउँपालिका अध्यक्ष साहले विभिन्न मितिमा लिएका फरक फरक नागरि प्रस्तुत गरेको भन्दै नागरिकता किर्तेमा कारवाही गर्न अदालतमा मुद्धा दायर भए पछी अध्यक्ष साहको तीन वटा नागरिकता रहेको रहस्य बाहिरिएको हो ।
गाउँपालिका अध्यक्ष साहलाई पक्राउ गरि थप अनुसन्धान र कारवाही गर्न इलाका प्रहरी कार्यालय बरहथवालाई उच्च अदालत जनकपुरका न्यायाधीशद्वय सागर बिष्ट र विष्णुप्रसाद कोइरालाको इजलासले पत्राचार गरेको समेत पाइएको छ ।यता इलाका प्रहरी कार्यालय बरथवामा भने मुद्वा दर्ता गराएर अनुसन्धान अघि बढाएको जनाएको छ ।गाउँपालिका अध्यक्ष साहसंग पहिलो नागरिक्ता नम्बर २१७ मा जन्म मिति २००१÷०१÷१० रहेको १९–०१–७३–०८६३६ नम्बर रहेको दोस्रो नागरिकतामामा जन्म मिति २०११÷०१÷१० उल्लेख छ ।
यसघि स्थानीयले इलाका प्रहरी कार्यालय बरहथवामा मुद्दा दर्ता गराउन खोज्दा प्रहरीले मुद्दा दर्ता नगरेको समेत बाहिरिएको छ ।अहिले भने प्रहरीले उच्च अदालत जनकपुरबाट परमादेश आएपछि मुद्दा दर्ता गरेको छ तर अनुसन्धानमा ढिला सुस्ती गरेको निवेदकको गुनासो छ ।
