डम्बरपुर फ्याफुल्ला प्रतियोगिताको सेमिफाइनलमा सहमति युवा क्लब प्रवेश 

बारा जिल्ला निजगढ नगरपालिका  १३ डम्बरपुरमा जारी फ्याफुल्ला नकाउट फुटबल प्रतियोगितामा सहमति फुटबल क्लबले सपुज गण आधाभार विभागीय आर्मी टोलीलाई ०–१ गोलले हराएको छ । शनिबार भएको खेलमा सहमति फुटबल क्लबले जितसंगै रतनपुर पानीट्यङ्की फुटबल क्लब निजगढ–११ संगको भेट पक्का गरे हो । फाईनलकालागि सहमतिले पानीट्याङ्की फुटबल क्लबसँग प्रतिस्पर्धा गर्नेछ । डम्बरपुर स्थित फ्याफुल्ला फुटबल क्लबको मैदानमा भए सो खेल प्रतिस्पर्धात्मक र रोमन्चक  रहेका थिए । 

खेलाको अन्तिम समयको १ मिनेट बाँकी रहँदा  सहमति फुटबल क्लबको तर्फबाट अन्तर्राष्ट्रिय फुटबल टोली साफ यु–१९ च्याम्पियनसिपका सर्वाधिक चम्किएका खेलाडी समीर तामाङ्गले गरेको १ गोल नै निर्णयक गोल हुन पुग्यो । यो जितसंगै सहमति सेमिफाइनलमा प्रवेश गरेको छ । सो खेलको म्यान अफ द म्याच सहमति फुटबल क्लबका अन्तर्राष्ट्रिय फुटबल टोली साफ यु–१९ च्याम्पियनसिप समीर तामाङ्गले घोषित भएको छ । 

तामाङ्गलाई फ्याफुल्ला फुटबल क्लबका अध्यक्ष दिलिप लामाले ट्रफी हस्तान्तरण गरेका थिए । त्यस्तै  असोज २८ गते आईतबार दिनको ३ बजे हुने खेलमा ग्रामिण विकास निजगढ–१२ कोलगाऊँ र न्यू जनजागृती निजगढ–५ खोल्माटोल विच हुने आयोजक समितिका सचीव जीवन पाख्रीनले जानकारी दिएको छ ।