सर्लाहीको बागमती नगरपालिकाको आयोजनामा निःशुल्क आँखा जाँच तथा अप्रेशन शिविर सञ्चालन हुने भएको छ।बागमती नगरपालिकाको आयोजना तथा तिलगंगा आँखा प्रतिष्ठान काठमाण्डौंको प्राविधिक सहयोगमा सर्लाहीको क्षेत्र नम्बर ३ भरी नै निःशुल्क आँखा जाँच तथा अप्रेशन शिविर सञ्चालन हुने लागेको बागमती नगरपालिकाको स्वास्थ्य शाखाले जनाएको छ ।माघ ३ गतेबाट सर्लाहीको क्षेत्र नम्बर ३ भरी नै निःशुल्क आँखा जाँच तथा अप्रेशन शिविर सञ्चालन हुने लागेको हो ।
जसमा पहिलो दिन माघ ३ गते मानपुर स्वास्थ्य चौकी बसबरिया,माघ ४ गते हरिपुर नगरपालिका १ स्थित जानकीनगर स्वास्थ्य चौकी,माघ ५ गते बरहथवा नगरपालिका २ हजरिया स्थित रहेको सामुदायिक भवन, माघ ६ गते रौतहटको चन्द्रपुर नगरपालिका १ आधारभुत विद्यालय मंगलपुर,माघ ७ गते बागमती नगरपालिका १२ स्थित रहेको जनजागृति आधारभुत विद्यालय,माघ ८ गते बागमती नगरपालिका ४ नयाँबस्ती जनज्योती आधारभुत विद्यालय,माघ ९ गते बागमती नगरपालिका ३ घरहरा स्थित रहेको जनकल्याण आधारभुत विद्यालय र माघ १० गते हरिवन नगरपालिका ६ को वडा कार्यालयमा बिहान १० बजेदेखि दिउँसो ४ बजे सम्म निःशुल्क आँखा जाँच तथा अप्रेशन शिविर सञ्चालन हुने आयोजक बागमती नगरपालिकाकी उप प्रमुख लिला कुमारी मोक्तानले जानकारी दिईन् । उनका अनुसार शिविरमा छनोट भएका मोतिबिन्दुका बिरामीहरुको अप्रेशन बागमती नगरपालिका ५ स्थित रहेको जनता नमुना माध्यमिक विद्यालयमा माघ १० गते देखी १२ गतेसम्म निःशुल्क अप्रेशन समेत गरिने भएको हो ।