सर्लाहीका थप १५ जनामा कोरोना भाईरसबाट संक्रमित देखिएका छन् ।आज दिउँसो सार्वजनिक स्वाब परीक्षण रिपोर्ट अनुसार थप १५ जनामा कोरोना भाईरस पोजेटिभ देखिएको हो । यो सँगै सर्लाही घर भएका एवं अन्यत्र घरभई सर्लाही बस्दै आएका १४६ जना कोरोना भाईरस संक्रमित पुगेका छन् ।
बुधबार थप भएका संक्रमितहरु धनकौल गाउँपालिकाका एक बालिका सहित १४ जना तथा ब्रम्हपुरी गाउँपालिकाका १ जना रहेको सर्लाहीका प्रमुख जिल्ला अधिकारी मोहनबहादुर जिसीले जानकारी दिनु भयो । १५ जना नै भारतबाट आएर सम्बन्धित स्थानिय निकायकोे क्वारेन्टाइनमा बसिरहेका थिए ।
सर्लाहीबाटै स्वाब संकलन गरी पठाईएका मध्ये १४४ जना तथा काठमाडौंमै आफै परिक्षण गराउँदा देखिएका १ जना र सर्लाही घर भई जिल्ला प्रहरी कार्यालय बारामा कार्यरत एकजना प्रहरी नायव निरिक्षक समेत गरी १४६ जना संक्रमित पुगेका हुन् ।संक्रमित मध्ये दुईजना भने निको भएर घर फर्किसकेका छन् ।