जिल्लामा कोरोना परीक्षण किट अभाव भएपछि सिन्धुलीका स्थानिय निकायहरुले आफै भिटिएम किट खरिद गरी स्वाब संकलन गर्न सुरु गरेका छन । छिमेकी देश भारत तथा तेस्रो मुलकबाट आएका ८० जना व्यक्तिहरु जिल्लाका विभिन्न क्वारेनटाईनमा बसेका छन् । तर जिल्ला स्वास्थ्य कार्यालय सिन्धुलीसँग हाल भिटिएम किट ७० र आरडीटी किट १ सय २ मात्र मौज्जाद रहेको छ ।
पछिल्लो सयम छिमेकी देश भारत तथा तेस्रो मुलकबाट जिल्ला भित्रिने क्रम समेत बढेको छ । संक्रमण फैलिन नदिन यसरी विभिन्न देशबाट र संक्रमित जिल्लाबाट आएकाहरुलाई क्वारेन्टाइनमा राखेपछि उनीहरुलाई परिक्षण गरेर मात्रै घर पठाउनुपर्ने हुन्छ । क्वारेन्टाइनमा राख्नुपर्ने व्यक्तिहरुको संख्या बढ्दै जादा भिटिएम किट पनि थप्नु पर्ने हुन्छ ।
सिन्धुलीको हरिहरपुरगढी गाउँपालिकाले २ सय भिटिएम किट खरिद गरेको छ । भारतबाट आएका ५ जनाको स्वाब संकलन गरेर परिक्षण गर्दा नेगेटिभ आएपछि घर पठाईएको छ । किट अभावकै कारण क्वारेन्टाइनमा सिमित रहेको कोरोना सं क्रमण समुदायस्तरमा फैलिने चिन्ता नागरिक त्रसिद बनेका छन् । संघ र प्रदेश सरकारको भर पर्दा क्यारेन्टीनमा बस्नेहरुको पिसिआर परिक्षण हुन ढिला हुने भएकाले आफैले खरिद गरेको हरिहरपुरगढी गाउपालिकाका अध्यक्ष कार्साङ लामाले बताउनुभयो ।
“क्वारेन्टीनमा कति दिन थेगेर राख्ने । क्वारेन्टीनमा बस्नेहरुले पनि १४ दिन सम्म बस्दा पनि परिक्षण नहुदाँ परिक्षण छिटो गर्न माग गर्छन । १४ दिन सम्म पनि परिक्षण नगरेको भन्दै विरोध गर्छन । झगडा गर्छन । माथिबाट आउछ भनेर कतिन्जेल आस गर्ने । त्यही भएर आफैले खरिद गरिएको हा”’उहाँले भन्नुभयो ।
मरिण गाउँपालिकाले स्वास्थ्य कार्यालयबाट प्रयाप्त भिटिएम नपाएपछि आफै ३ सय भिटिएम खरिद गरेको छ । गाउँपालिकाले खरिद गरेकै भिटिएमबाट क्वारेन्टाइमा रहेकाहरुको स्वाब संकलन गरिने गाउँपालिकाका अध्यक्ष पानीराज बम्जनले बताउनुभयो । “छिमेकी देश भारत तथा तेस्रो मुलकबाट नागरिकहरु आउनेक्रम जारी छ । यसरी आउनेहरुको परिक्षण गर्न भिटिएम खरिद गरिएको हो । थाईल्याण्ड देखि एक जना भारतहुदै आएका छन् । उनलाई क्वारेन्टाईनमा राखिएको छ । स्वास्थ्य कार्यालयबाट स्वास्थ्यकर्मी आएपछि उनको स्वाब संकलन हुन्छ । राष्ट्रिय गौरवका आयोजनामा काम गर्ने कामदार विभिन्न संक्रमित जिल्लाबाट पनि आएका छन् उनीहरुको पनि परिक्षण गर्नुपर्नेछ । अग्रपङतीमा काम गर्ने गाउपालिकाका कर्मचारी, जनप्रतिनिधिहरु।स्वास्थ्यकर्मीहरुको पनि परिक्षण गर्न आवश्यक छ । प्रदेश, संघले तत्काल पठाउला जस्तो छैन । अव स्थानिय तहले नै जोहो गर्नुप¥यो नी ” उहाँले बताउनु भयो ।
समुदायमा कोरोना संक्रमण नफैलियोस् भनी गाउँपालिका आफैले किट खरिद गरेको अध्यक्ष बम्जनले बतायनुभयो । पालिकाले थप किट किन्ने तयारीमा रहेको अध्यक्ष बम्जनले बताउनुभयो ।
यी बाहेक जिल्लाको कमलामाई, दुधौली नगरपालिका, गोलन्जोर, तिनपाटन गाउपालिकाले पनि आफै भिटिएम किट खरिद गरेका जिल्ला स्वास्थ्य कार्यालय सिन्धुलीले जनाएको छ । सिन्धुलीमा अहिले सम्म ३ जनामा कोराना भाईरस संक्रमण पुष्टी भएको छ ।थप किटको लागि केन्द्र र प्रदेश सरकारसँग ताकेता गर्दै आएको जिल्ला स्वास्थ्य कार्यालय सिन्धुलीले जनाएको छ।