ई.प्र.का.बयलवास,केशरगन्जका प्रहरी निरिक्षक श्रेष्ठ प्रहरी नायव उपरिक्षकमा बढुवा

सर्लाहीको इलाका प्रहरी कार्यालय बयलवास,केशरगन्जका प्रहरी प्रमुख एवम प्रहरी निरिक्षक मानप्रसाद श्रेष्ठको प्रहरी नायब उपरीक्षकमा बढुवा भएको छ ।प्रहरीको ३० वर्षे सेवा अवधि पूरा गरी एक महिनापछि अवकाशमा जान लागेका प्रहरी निरिक्षक श्रेष्ठको प्रहरी नायव उपपिरक्षक पदमा बढुवा भएको हो।
भदौ १६ गतेदेखि अवकाशमा जान लागेका प्रहरी निरिक्षक श्रेष्ठलाई मधेश प्रदेश प्रहरी कार्यालय जनकपुरका प्रहरी प्रमुख एवम प्रहरी नायव महानिरीक्षक यज्ञविनोद पोखरेल र मधेश प्रदेश प्रहरी कार्यालय जनकपुरका प्रहरी प्रवक्ता एवम प्रहरी उपरीक्षक सुवासचन्द्र बोहराले जनकपुरस्थित प्रदेश प्रहरी कार्यालयमा प्रहरी नायव उपरिक्षक पदको दर्जान्ही चिन्ह प्रदान गरेका हुन् ।
२०५१ साल भदौ १६ गते प्रहरी सहायक निरीक्षक पदबाट सेवा प्रवेश गरेका श्रेष्ठ इलाका प्रहरी कार्यालय बयलवास,केशरगन्जमा गत वर्ष भदौ ५ गते प्रहरी प्रमुखको रुपमा हाजिर भएका थिए ।