कांग्रेस महिला विभाग र शुभेच्छुक संस्था समन्वय विभागमा सर्लाहीकी बम्जन सहित २० जना मनोनित

नेपाली कांग्रेसको शुभेच्छुक संस्था समन्वय विभागको सदस्यमा नेपाली कांग्रेस सर्लाहीकी नेतृ सोनी कुमारी बम्जन मनोनित भएकी छन्।सर्लाहीको हरिवन नगरपालिका ८ निवासी कांग्रेस सर्लाहीकी नेतृ बम्जन नेपाली कांग्रेसको शुभेच्छुक संस्था समन्वय विभागको सदस्यमा मनोनित भएकी हुन ।
नेपाली कांग्रेसको विधान,२०१७ (संशोधन सहित) को धारा २५ (९) बमोजिम पार्टीका केन्द्रीय सदस्य पुष्पा भुसाल प्रमुख रहेको नेपाली कांग्रेस महिला विभाग र केन्द्रीय सदस्य अब्दुल सत्तार प्रमुख रहेको शुभेच्छुक संस्था समन्वय विभागको सदस्यहरु नेपाली कांग्रेसका सभापति शेरबहादुर देउवाले मनोनयन गरेका हुन ।कांग्रेसले १० सदस्यीय महिला विभाग र १० सदस्यीय शुभेच्छुक संस्था समन्वय विभागमा मनोनयन गरेको हो ।
शुभेच्छुक संस्था समन्वय विभागको सदस्यमा मनोनित हुनेहरुमा सोनी कुमारी बम्जन,सर्लाही,राजु थापा,गोरखा,निर्मला क्षेत्री,अर्घाखाँची,आशिष खतिवडा,मोरङ,नरेन्द्र डी.सी.रोल्पा,देवराज नेपाल,काठमाडौं,मातृका शेर्पा,ताप्लेजुङ,रामदत्त जोशी,डडेल्धुरा,दिनेश सन्जयल,कालिकोट र लालमणि पाण्डे,कञ्चनपुरबाट मनोनित भएका छन् ।
त्यसैगरी,महिला विभागको सदस्यमा मनोनित हुनेहरुमा रेणु प्रधान श्रेष्ठ,धनगढी,तुल्सा पन्त,झापा,कमला लामिछाने,गोरखा,झल विश्वकर्मा,काठमाडौं,कविता इटानी,धादिङ,मिलन साह,महोत्तरी,आशा थापा मगर,तनहुँ,राम कुमारी थापा,सुर्खेत,देवका बेल्वासे,दाङ र डा.शशी थापा(पण्डित),काठमाडौंबाट मनोनित भएका नेपाली कांग्रेस केन्द्रीय कार्यालयले बिहीबार जारी गरेको प्रेस विज्ञप्तीमा उल्लेख गरिएको छ ।