Close This

तस्करले नियन्त्रणमा लिएको काठ कर्मचारीको घरमा भेटेपछि छानविन सुरु,साना माछा कार्वाहीको भागेदार ठुलालाई उम्काउने दाउ

कमलामाई खबर सम्वाददाता    प्रकाशित: २०७७-५-२९ गते   ४१८ पटक हेरिएको

सामुदायिक वनले बरामद गरेको काठ आफ्नै कर्मचारीको घरमा फेला परेपछि डिभिजन वन कार्यालय सर्लाहीले सोमवारबाट छानविन सुरु गरेको छ । जेठ २२ मा राम जानकी सामुदायिक वन क्षेत्रबाट तस्करले काटेर छाडेको ११ थान सिसौको गोलिया बरामद भएको थियो । उपभोक्ता समूहले बरामद गरेको काठ तत्कालै सव–डिभिजन वन कार्यालय लालबन्दीका कार्यालय प्रमुख देव किशोर साउ र फरेस्टर मीनबहादुर चौधरीलाई आफुहरुले खोजेको वखत पाउने गरी  जिम्मा लगाइएको वनकी अध्यक्ष कल्पना पाख्रिङले बताउनु भयो ।
सो काठ कार्यालयमा नलगी सव डिभिवन वन कार्यालयका कार्यालय प्रमुख साउ र फलेष्टर चौधरी मिलेर फलेष्टर चौधरीले आफ्नो घरमा लगेर राखेको आइतवार नै पाइएपछि डिभिजन वन कार्यालयले अनुसन्धान अघि बढाएको हो ।
फलेष्टर चौधरीले सव डिभिजन वन कार्यालय लालबन्दीका कार्यालय प्रमुख साउको मौखिक आदेशमा  फरेस्टर चौधरीले लगेको ११ वटा गोलिया मध्य आइतबार १० वटा मात्र गोलिया फेला परेको थियो । फलेष्टर चौधरीलाई  तत्कालै बिभागिय कारवाहीका लागि सिफारिस गरी घटनाको विस्तृत जाँचबुझ गर्न अधिकृत स्तरको छानविन टोली गठन गरिएको डिभिजन वन कार्यालय सर्लाहीका डिभिजन वन अधिकृत माधव प्रसाद देवले बताउनु भयो ।

© Copyright 2019 Kamalamai Khabar. All rights reserved.
Design & Developed Journey For Tech