Close This

लागु औषध गाँजा सहित मोटरसाईकल लालबन्दी प्रहरीको नियन्त्रणमा 

कमलामाई खबर सम्वाददाता    प्रकाशित: २०७७-६-५ गते   २८६ पटक हेरिएको

लागु औषध गाँजा सहित नियन्त्रणमा लिएको मोटरसाईकल

सर्लाहीको लालबन्दी नगरपालिका ८ बाट प्रहरीले लागु औषधगाँजा नियन्त्रणमा लिएको छ । लालबन्दी नगरपालिका ८ बाट ५ किलो लागु औषध गाँजा र एउटा मोटरसाईकल नियन्त्रणमा लिएको ईलाका प्रहरी कार्यालय लालबन्दीका प्रहरी प्रमुख प्रहरी निरिक्षक नारायण थापाले जानकारी दिनु भयो।

असोज ३ गते साँझमा प्रहरीको गस्ती टोलीले शंका लागि चेकजाँच गर्ने क्रममा लालबन्दी नगरपालिका ८ बाट लालबन्दी नगरपालिका १४ का अन्दाजी वर्ष १९ का विश्राम गोलेले चलाएको ना २२ प ९०१९ नम्बरको मोटरसाईललाई चेकजाँच गर्दा मोटरसाईकलमा बोरामा ल्याएको लागु औषध गाँजा, मोटरसाईकल र मोटरसाईकल नियन्त्रणमा लिएको प्रहरी निरिक्षक थापाले जानकारी दिनु भयो ।

प्रहरीलाई देखेपछि मोटरसाईकलमा सवार गोले मोटरसाईकल छोडेर भाग्न खोज्ने क्रममा प्रहरीले नियन्त्रणमा लिएको  जनाएको छ । 

© Copyright 2019 Kamalamai Khabar. All rights reserved.
Design & Developed Journey For Tech